Barson ke baad dekha ik shakhs dilruba sa
Ab zehn me nahin he per nam tha bhala sa
Abroo khichey khichey se ankhen jhuki jhuki si
Baaten ruki ruki si lehja thaka thaka sa
Alfaz thay ke jugnu awaz ke safar me
Ban jae janglon me jis tarha rasta sa
Khawabon me khawab us ke yadon me yad us ki
Neendon me ghul gaya ho jesey ke ratjaga sa
Pehley bhi log aye kitne hi zindagi me
Wo har tarha se lekin oron se tha juda sa
Agli mohabbaton ne wo namuradian deen
Taza rafaqaton se dil tha dara dara sa
Kuch ye ke mudatton se ham bhi nahin thay roey
Kuch zeher me bujha tha ahbab ka dilasa
Phir yun hua ke sawan aankhon me aa basey thay
Phir yun hua ke jesay dil bhi tha abla sa
Ab sach kahen to yaro hum ko khabar nahi thi
Ban jae ga qayamat ik waqia zara sa
Tewar thay be rukhi ke andaz dosti ke
Wo ajnabi tha lekin lagta tha aashna sa
Hum dasht thay ke darya, zeher thay ke amrat
Na haq tha zaum hum ko jab wo nahi tha payasa
Hum ne bhi us ko dekha kal sham ittafaqan
Apna bhi hal he ab logo Faraz ka sa!!!
...){kind=link}