Kasheda sar se tawaqu abas jhukao ki thi
Bigar gaya hun ke surat yehi banao ki thi
Wo jis ghamand se bichra gila to is ka he
Ke sari bat mohabbat me rakh rakhao ki thi
Wo mujh se piyar na karta to war kia karta
Ke dushmani me bhi shiddat isi lagao ki thi
Magar ye dard e talb bhi sarab he nikla
Wafa ki leher bhi jazbat ke bahao ki thi
Akele par utar kar ye nakhuda ne kaha
Musafiro yehi qismat shikasta nao ki thi
Chiragh e jan ko kahan tak bacha ke ham rakhte
Hawa bhi taiz thi manzil bhi chal chalao ki thi
Main zindagi se nabard azma raha hun Faraz
Main janta tha yehi rah ik bachao ki thi
Awesome very heart touching poetry
Very nice heart touching poetey