Jo sar bhi kasheda ho usey dar kare he
Aghyar to karte thay so ab yar kare he
Wo kon sitam gar thay ke yad anay lage hen
Tu kesa maseha he ke bemar kare he
Ab roshni hoti he ke ghar jalta he dekhen
Shola sa tawaf e dar o dewar kare he
Kia dil ka bharosa he, ye sanbhle ke na sanbhle
Kiun khud ko preshan mera gham khawar kare he
He tark e taaluq he madawaey gham e jan
Per tark e taaluq to boht khawar kare he
Is sheher me ho janbish e lab ka kise yara
Yan janbish e mushgan bhi gunahgar kare he
Tu lakh Faraz apni shikaston ko chupae
Ye chup to terey karb ka izhar kare he
