mataa e qalb o jigar hen, hamen kahin se milen
magar wo zakhm jo us dast e shabnamin se milen
na sham he, na ghani rat he, na pichla peher
ajeeb rang teri chashm e surmagin se milen
main is wisal ke lamhe ka kia nam rakhun
teray libas ki shiknen teri jabeen se milen
sataeshen meray ahbab ki nawazish hen
magar siley to mujhe apne nukta cheen se milen
tamam umr ki na motber rafaqat se
kahin bhala ho ke pal bahr milen, yaqeen se milen
yehi raha he muqaddar, meray kisanon ka
ke chand boen or un ko gehen zameen se milen