meray chotey se ghar ko ye kis ki nazar,ay khuda!lag gai
kesi kesi duaaon ke hotey huey bad dua lag gai
ak bazu bareeda shikasta badan qom ke baab me
zindagi ka yaqeen kis ko tha, bas ye kahiye, dawa lag gai
jhoot ke sheher me aaina kia laga,sang uthaey huey
aaina saz ki khoj me jesay khalq e khuda lag gai
janglon ke safar me to aasaib se bach gai thi,magar
sheher walon me aatey he peechey ye kesi bala lag gai
neem tareek tanhai me surkh phoolon ka ban khil utha
hijr ki zard deewar per teri tasweer kia lag gai
wo jo pehle gaey thay,hamen un ki furqat he kuch kam na thi
jaan!kia tujh ko bhi sheher e na meharban ki hawa lag gai
do qadam chal ke he chhaon ki aarzu sar uthaney lagi
meray dil ko bhi shaed teray hoslon ki ada lag gai
maiz se janey walon ki tasweer kab hat saki thi magar
dard bhi jab thama,aankh bhi jab zara lag gai