roshan kye jo sil ne kabhi din dhaley charagh
apney ujaar ghar me lagey kia bhaley charagh
shayed mera wujood he sooraj tha sheher me
main bujh gaya to kitne gharon me jaley charagh
darya ki teh me kitne sitaron ka aks tha
pani ke sath sath kahan tak chaley charagh
ae subha ki shareer kiran in ka ahtaram
tay kar gaye hen shab ke sabhi marhaley charagh
kiunkar na ham bujhen tujhe mil kar ke bazm me
sooraj tera badan he to ham dil jaley charagh
Mohsin wo dhoondta tha kisey pichli rat ko
aankhen hawa ki zad me thin, daman taley charagh