shab dhali chand bhi nikle to sahi
dard jo dil me he chamke to sahi
wo qayamat ho, sitara ho ke dil
kuch na kuch hijr me tutey to sahi
ham wahin per he basa len khud ko
wo kabhi rah me rokey to sahi
sab se hat kar he manana he usey
ham se ik bar wo ruthey to sahi
dil usi waqt sanbhal jae ga
dil ka ahwal wo puche to sahi
us ki nafrat bhi mohabbat ho ge
meray barey me wo sochey to sahi
us ke qadmon me bicha dun aankhen
meri basti se wo guzre to sahi
mera jism, aaena khana thehrey
meri janib koi dekhey to sahi
us ke sab jhoot bhi sach hen Mohsin
shart itni he wo boley to sahi
Read More Poetry by Mohsin Naqvi
