dil khoon hua kahin to kabhi zakham seh gae
ab hadsey he apni wirasat me reh gae
kehne ko ak sath he dooba he qafila
kuch aks zer e aab magar teh ba teh gae
patton se phoot ti hen hawaon ki hichkian
panchi harey shajar se ajab bat keh gae
shaed wo bam o dar ko na soney den umar bhar
jo khawab ghar ki khak me pewast reh gae
Mohsin ghareeb log bhi tinkon ka dher hen
malbe me dab gae kabhi pani me beh gae