apne ap se phirte hen beganey kiun
sheher me aa kar log huey dewaney kiun
ham ne kab mani thi bat zamane ki
aj hamari bat zamana maney kiun
wo jangal ke phulon per kiun marta he
us ko achey lagtey hen weraney kiun
sachi bat se ghabrane ki adat kia
jhutey logon se apne yaraney kiun
khalwat me jo aankh milatey darta ho
melay me wo shakhs hamen pehchane kiun
Mohsin jab bhi chot nai kha leta hun
dil ko yad atey hen yar puraney kiun