kabhi jo fursat miley to dil ke tamam be rabt khawab likhun
teri ada se ghazal tarashun teray badan per kitab likhun
bujhte charaghon ki lo pighalte dilon ke ahsas me bhigo kar
main ane wali udas naslon ki zindagi ka nasab likhun
meray shab o roz raaegan khawahishon ki mitti se at gaye hen
main kis warq per gae dinon ki mushaqqaton ka hisab likhun
bichar ke tujh se wo kon he jis ke nam kar dun hunar asasa
main kiun koi nazam keh ke sochun main kis lye intasab likhun