kuch ahsas e ziyan tha pehle, dil ka ye hal kahan tha pehle
ab to jhonke se laraz uthta hun, nasha khawab e giran tha pehle
ab to manzil bhi he khud garam e safar, har qadam sang e nishan tha pehle
safar e shoq ke farsang na puch, waqt be qaid e makan tha pehle
ye alag bat ke gham raas he ab, dil ajab kunj aman tha pehle
ab bhi tu pas nahi he lekin, is qadar door kahan tha pehle
deray daley hen bagulon ne jahan, us taraf chashma rawan tha pehle
ab wo darya, na wo basti, na wo log, kia khabar kon kahan tha pehle
har kharaba ye sada deta he, main bhi abad makan tha pehle
ur gae shakh se ye keh ke tayyor, sar waak shokh jawan tha pehle
kia se kia ho gai dunya pyare, tu wahin per he jahan tha pehle
ham ne abad kia mulk e sukhan, kesa sunsan saman tha pehle
ham ne bakhshi he khamosh ko zaban, dard majboor e fighan tha pehle
ham ne aejad kia teesha e ishq, shola patthar me nihan tha pehle
ham ne roshan kia ma’moor gham, warna har simat dhuan tha pehle
ham ne mehfooz kia husn e bahar, atr e gul sirf khazan tha pehle
gham ne phir dil ko jagaya Nasir, khana barbad kahan tha pehle
Posted in: Nasir Kazmi
Next to read:
Din Dhala Rat Phir Agai So Raho So Raho!!
