is tarha mere zehen me utra hua tu he
jese kisi mehtaab ka saya lab e ju he
insan hen ke pathar ke taarshe hue but hen
sanson me hararat he na shehrag me lahu he
ik garmi e raftar mere paon ki zanjeer
ik shola e awaz mera toq e gulu he
dekhun to her ik mor pe hangama e mehshar
sochun to bhare sheher me ik aalam e hu he
dono ke khad o khal pe saya he hawas ka
halaat ne bakhsha he kise, main hun ke tu he
insan ko jila de gai ahsas ki garmi
kehne ko to pathar me bhi ik zoq e namu he
main teera muqaddar hun kahan tak use chahun
wo shola badan, barq nazar aaena ru he
sochun to jhulas jae har ik yad ka chehra
Mohsin meri nas nas me gham e deher ki lu he
Next to read:
Din Dhala Rat Phir Agai So Raho So Raho!!
