shamil mera dushman saf e yaran me rahe ga
ye teer bhi pewast rag e jan me rahe ga
ik rasm e junoon apne muqaddar me rahe ge
ik chaak sada apne gireban me rahe ga
ik ashk he aankhon me so chamke ga kahan tak
ye chand zad e sham e ghareban me rahe ga
main tujh se bichar kar bhi kahan tujh se juda hun
tu khawab sift deeda e giryan me rahe ga
rangon ki koi rut teri khushbu nahi lai
ye dagh bhi damaan e baharan me rahe ga
ab ke bhi guzar jaen ge sab wasal ke lamhe
masroof koi wada o peman me rahe ga
main harf e junoon keh na sakoon ga, jo kahun bhi
ik raz ki surat dil imkan me rahe ga
Mohsin me hawadis ki hawaon me ghira hun
kia naqsh e qadam dasht o bayaban me rahe ga?
Next to read:
