jab se dekha he teray hath ka chand
main ne dekha he nahi rat ka chand
zulf e shab rang ke sad rahon me
main ne dekha he talissamat ka chand
ras kahin, roop kahin rang kahin
ak jadu he khayalat ka chand
——————————————–
chaman dar chaman wo ramaq ab kahan
wo shole shafaq ta shafaq ab kahan
karan ta karan zulmaten cha gaen
wo jalwe tabaq dar tabaq ab kahan
bujhi aatish e gul andhera hua
wo ujle sunehre waraq ab kahan
barabar he milna na milna tera
bicharne ka tujh se qalaq ab kahan
—————————————————–
dam ghutne laga he waza e gham se
phir zor se qehqa lagao
phir dil ki bisat ulat na jae
umed ki chal me na ao
main dard ke din guzar lun ga
tum jashan e shab e tarb manao
kuch sehel nahi hamara milna
taab e gham e hijr he to aao
———————————————-
tarey ginwae ya sahar dikhlae
dekhye sham e gham kahan le jae
subha noras ka raag sunte he
shab e gul ke charagh murjhae
subha nikle they fikr e dunya me
khana barbad din dhaley aye
kiun na us kam numa ko chand kahun
chand ko dekh kar jo yad aye
——————————————————-
sadaye raftgan phir dil se guzri
shab e furqat bari mushkil se guzri
hawa e subha ne chonka dia yun
teri awaz jesay dil se guzri
mera dil khu gar toofan he warna
ye kashti barha sahil se guzri
————————————————————–
Hope you liked these qataat by Nasir Kazmi; Here is another beautiful poetry by for your reading:
Wafa Zaria Izhar e Gham Sahi Nasir!!
