lot kar koi ata he kab, dekheye
har ghari soye dar besabab dekheye
apne zakhmo ki pursish se farigh nai
kia tera, khunda zere lab dekheye?
kitne suraj bujhe kitne tare gire
garm raftari roz o shab dekheye
khuwaish zakhm thi, phool chunne lage
hum faqeero ka husn e talab dekheye
us se tark e taluq b kar ae hum
kia qyamat guzarti he ab dekheye
ik purani kashish us me abad he
ik naya roop he us ko jab dekheye
asmano ki bakhshish pe mat jaye
shehar ka shehar he tashna lab dekheye
wasl ka din to Mohsin yunhi dhal gya
hijar me kese kat’ti he shab dekheye?
—————————————————————————-
Khawahishon Ke Zeher Me Ikhlas Ka Ras Ghol Kar!
khawahishon ke zeher me ikhlas ka ras ghol kar
wo to patthar ho gaya do char din hans bol kar
dil hujoom e gham ki zad me tha, sanbhalta kab talak
ik parinda aandhion me reh gaya par tol kar
apne honton per saja le qeemti heeron se lafz
apni surat ki tarha baten bhi to anmol kar
aaj us ki hadd e bakhshish he tere sar se buland
aaj apne sar se bhi oncha zara kashkol kar
band hathon ka muqaddar thin sabhi kirnen magar
sarey jugnu ur gae, dekha jo mutthi khol kar
sheher wale jhoot per rakhte hen bunyad e khuloos
mujh ko pachtana para Mohsin yahan sach bol kar..!
Next to Read:
Haq To Yoon Hay Ke Haq Adaa Na Hua!
