Teri yadon ka wo aalam nahin he
Magar dil ki udasi kam nahin he
Hamen bhi yad he marg e tamanna
Magar ab fursat e matam nahin he
Hawa e qurb e manzil ka bura hua
Firaq e hamsafar ka gham nahin he
Junoon e parsaai bhi to nasih
Meri diwangi se kam nahin he
Ye kia gulshan he jis gulshan me logo
Baharon ka koi mausam nahin he
Saleebon per khinchey jatey hen lekin
Kisi ke hath me parcham nahin he
Faraz is qehet zar e roshni me
Chiraghon ka dhuan bhi kam nahin he!!!
