Noha garon me deeda e tar bhi usi ka tha
Mujh per ye zulm bar e digar bhi usi ka tha
Dekha mujhe to tark e taluq ke bawujood
Wo muskura dia ye hunar bhi usi ka tha
Aankhen kushad o bast se badnam ho gaen
Suraj usi ka khawab e seher bhi usi ka tha
Khanjar dar asteen hi mila jab kabhi mila
Wo tegh khenchta to ye sar bhi usi ka tha
Nishtar chubhey huey thay rag e jan ke aas pas
Wo chara gar tha or mujhe dar bhi usi ka tha
Mehfil me kal Faraz hi shayed tha lab kusha
Maqtal me aj kasa e sar bhi usi ka tha
