Abr e bahar ab ke bhe barsa prey prey
Gulshan ujaar ujaar hen jangal harey harey
Janey ye tashnagi he hawas he ke khud kushi
jaltey hen sham hi se jo saghar bharey bharey
Hai dil ki maut ahd e wafa ki shikastagi
Phir bhi jo koi tark e mohabbat krey krey
Ab apna dil bhe sheher e khamoshan se kam nahin
Sun ho gae hen kaan sada per dharey dharey
Rehtey hen ahl e sheher ke saye se door door
Hum aahuan e dasht ki surat darey darey
Gul ban ke phoot ta he lahu shakhsar se
Zakhm rag e bahar hen pattey harey harey
Zinda dilan e sheher ko kia ho gya Faraz
Aankhen bujhi bujhi hen to chehrey marey marey