Aaye teri mehfil me to betab boht thay
Jo ahl e wafa waqif e adaab boht thay
Is sheher e mohabbat me ajab kaal para he
Ham jesey subk log bhi nayab boht thay
Kuch dil hi na mana ke subk sar hon wagarna
Aasudgi e jan ke to asbab boht thay
Majboor thay le aye kinarey pe safina
Darya jo miley ham ko payab boht thay
Ab dekh ye hasrat bhari ujri hui aankhen
Dunya teray barey me meray khawab boht thay
Main kiun na Faraz un ki tarha mehr ba lab tha
Is bat se na khush meray ahbab boht thay!!
