tooti he meri neend magar tum ko is se kia
bajte rahen hawaon se dar, tum ko is se kia
tum moj moj misl e saba ghoomte raho
kat jaen meri soch ke par,tum ko is se kia
auron ka hath thamo,unhen rasta dikhao
main bhool jaun apna he ghar,tum ko is se kia
abr e gurez pa ko barasne se kia gharz
seepi me ban na paye gohr,tum ko is se kia
le jaen mujh ko mal e ghanimat ke sath adu
tum ne to dal di he sapar tum ko is se kia
tum ne to thak ke dasht me khemey laga lye
tanha katey kisi ka safar,tum ko is se kia