raheen e khof na waqf e haras rehta he
magar ye dil he ke aksar udas rehta he
ye sanwli si fizaen ye be charagh nagar
yahin kahin wo sitara shanas rehta he
usi ko orh ke soti he rat khud pe magar
wo chandni ki tarha be libas rehta he
main kia parhun koi chehra ke meri aankhon me
teray badan ko koi iqtabas rehta he
kahan bhulaye us ko ke wo bichar ke sada
khayal ban ke muheet e hawas rehta he
bhatak bhatak ke usey dhundte phiro mohsin
wo dramian yaqeen o qayas rehta he