Ye Pichle Ishq Ki Baatein Hain!
jab aankh me khaab damakte the
jab dil me daagh chamakte the
jab palken sheher ke raston me
ashkon ka noor lutati theen
jab saansein ujle chehron kitan man me phool sajati theen
jab chaand ki rim jhim kirno se
sochon me bhanwar per jatey thay
jab ak talatam rehta tha
apney be anat khyalon me
her ahed nibhane ki qasmen
khat khoon se likhne ki rasmen
jab aam thien ham dil walon me
ab apney phekey honton per
kuch jalte bujhte lafzon ke
yaqoot pighaltey rehte hen
ab apni gum sum aankhon me
kuch dhool he bikhri yadon ki
kuch gard alood se mosam hen
ab dhoop ugalti sochon me
kuch pemaan jalte rehte hen
ab apne weeran aangan me
jitni subhon ki chandi he
jitni shamon ka sona he
us ko khakistar hona he
ab ye baten rehne dije
jis umr me qissey buntey thay
us umr ka gham sehney dije
ab apni ujri aankhon me
jitni roshan si raten hen
us umr ki sab soghaten hen
jis umr ke khawab khayal huey
wo pichli umr thi beet gai
wo umr bitaey saal huey
ab apni deed ke rastey me
kuch rang he guzrey lamhon ka
kuch ashkon ki baraten hen
kuch bhooley bisrey chehrey hen
kuch yadon ki barsaten hen
Ye Pichle Ishq Ki Baatein Hain!
