aj gum sum he jo barbad jazeeron jesi
us ki aankhon me chamak thi kabhi heeron jesi
kitne maghroor paharon ke badan chak huey
taiz kirnon ki jo barish hui teeron jesi
jis ki yadon se khayalon ke khazane dehkey
us ki soorat bhi lagi aj faqeeron jesi
chahaten lab pe machalti hui larki ki tarha
hasraten aankh me zandan ke aseeron jesi
ham ana mast’tahi dast boht hen mohsin
ye alag bat ke aadat he ameeron jesi
