habs e dunya se guzar jatey hen
aesa kartey hen ke mar jatey hen
kesey hotey hen bicharne waley
ham ye sochen bhi to dar jatey hen
dil jo tootey to sar e mehfil bhi
baal be waja bikhar jatey hen
ab na dekho meri banjar aankhen
charhte darya to utar jatey hen
dhoop ka roop rachane waley
sham ko or nikhar jatey hen
ab na mur mur ke pukaro un ko
log raste me theher jatey hen
khali daman se shikayet kesi
ashk aankhon me to bhar jatey hen
tum kahan jao ge socho mohsin
log thak har ke ghar jatey hen