kabhi gireban ke taar ginte kabhi saleebon pe jan detay
guzar gai zindagi hamari sada yehi imtehan detay
ba waqt e shab khoon tamam basti pe khof tari tha qatilon ka
sakoot e shab ke ujaar gunbad me ham kahan tak azaan detay
main kis nagar ki hawa se puchoon main kon sehra ki khak chhanun
bicharne waley kahin to apna suragh rakhte nishan detay
hamare lafzon se nutaq chhena he apni mehroomion ne warna
sukhanwaro ham bhi apni basti ke pathron ko zaban detay
saza sunane se peshtar munsifon se pal bhar jo uzan milta
to ham bhi jurm e ana ke haq me koi adhoora beyan detay
adawaton ke azaab suraj ne itni mohlat na di ke mohsin
ham apni jalti zameen ke sar pe koi bagoola he taan detay
