bol ae sakoot e dil ke dar e be nishan khule
mujh per kabhi to uqda e hift aasman khule
yun dil se ham kalam hui yad e raftgan
jese ik ajnabi se koi razdan khule
sehmi khari hen khof e talatam se kashtian
moj e hawa ko zid ke koi badban khule
wo ankh nem wa ho to dil phir se ji uthen
wo lab hilen to qufl e sakoot e jahan khule
wo jabr he ke soch bhi lagti he ajnabi
aese me kis se bat karen,kia zaban khule
jitna hawa se band e quba khul gaya tera
ham log is qadar bhi kisi se kahan khule
Mohsin ki mot itna bara saniha na thi
is sanihey per bal tere raegan khule
More from Mohsin Naqvi:
Mere Qatil To Meray Apne Hawari Nikle!
Jo Shakhs Bhi Apna Qad o Qamat Nahin Rakhta