mujhe khala me bhatakne ki aarzu he sahi
ke tu mile na mile teri justuju he sahi
qareeb aa shab e tanhai ,tujh se pyar karen
tamam din ki thakan ka ilaj tu he sahi
barey khuloos se milta he jab bhi milta he
wo be wafa to nahi he ,bahana ju he sahi
magar wo abar samandar pe kiun barasta he
zameen banjh sahi, khak be namud he sahi
tum apne dagh sar e perhan ki bat karo
hamara daman e sad chak be rafu he sahi
ye naz kam to nahi he ke un se mil aye
wo ak pal ko sar e rah guftagu he sahi
jo apne ap se sharmae, kis se bat kare
main aaeney ki tarha us ke ru baru he sahi
kisi tarha to ye tanhaion ki sham katey
wisal e yar nahi, qurbat e adu he sahi