lahu ki moj hun or jism ke hisar me hun
rawan rahun bhi to kese ke barf zar me hun
jahan e sham e alam ke udas ham safro
mujhe talash karo, main isi dayar me hun
main phool bhi hun mere perhan me rang bhi hun
magar sitam ye hua he ke reg zar me hun
chragh e rah sahi khud freb hun itna
ke shab ki aakhri hichki ke intazar me hun
her ak pal mujhe khof e shikast he Mohsin
main aaena hun magar dast e sangbar me hun
——————————————————————————
Khushi Ka Gham He Na Gham Ki Koi Khushi Ab To…!
khushi ka gham he na gham ki koi khushi ab to
boht udas guzarti he zindagi ab to
tere bagher bhi dil ki tasallion ke lye
ik intazar ki shab thi, so dhal chuki ab to
ik aashna ke bicharne se kia nahi badla
hawae sheher bhi lagti he ajnabi ab to
tamam rat rahi dil me roshni ki lakeer
misal e shama e sahar wo bhi jal bujhi ab to
chali thi jin se yahan rasm e khud nigeh dari
unhen azeez hua zikar e khud kushi ab to
kahan gae wo shanasa wo ajnabi chehre
ujaar si nazar ati he har gali ab to
Next to read:
Haq To Yoon Hay Ke Haq Adaa Na Hua!
