her ik qadam pe ye khadsha meri nigah me he
ke dasht e sham e ghareeban sahar ki rah me he
abhi kuch or bharak ae charagh e tanhai
tera wajood ghanimat shab e siah me he
utar raha he tera dard dil me sar e sham
warood e mosam e gul dasht e be giah me he
jahan panah tera adal mustanad he magar
chupa hua mera qatil teri sipah me he
hawa chali to main is mojize ko man gaya
ke bijlion ki tarap bhi wajood e kah me he
ganwa chuka he to ik din bhula bhi de ga tujhe
ke hosla abhi itna dil e tabah me he
yaqeen kon kare meri be gunahi ka
ye tab mujh me na jurrat mere gawah me he
hamare bad udasi he her taraf mohsin
bahar ghar me na ronaq wo qatal gah me he
—————————————————————————–
roshni tere “safeeron” ka nishan baqi he
daman e shab me charaghon ka dhooan baqi he
hashar to ho bhi chuka tere bichar jane per
dil me kiun waswasa e sood o zian baqi he
ab tujhe yad dilane ke lye kuch bhi nahi
sirf ik ahd e wafa,wo bhi kahan baqi he?
rehruo,dhoop ne jhulsa dye qadmon ke nishan
phir bhi ik wahima abr e rawan baqi he
dil ko ab shoq se taraj kare barq e azab
uth gae sarey makin ,sirf makan baqi he
kon kehta he ke alfaz hen mohtaj e qalam
kat gae hath magar meri zaban baqi he
kitne khursheed tarashe gae,phir bhi mohsin
teergi he jo karan ta ba karan baqi he
Next to read:
Yehi Boht He, Ak Hawa Me Saans to Letay Hen!!
