Kab Tak Dil Ki Khair Manayen , Kab Tak Raah Dikhlaao Gay
Kab Tak Chain Ki Mohlat Do Gay, Kab Tak Yaad Na Aao Gay
Beeta Deed Ummed Ka Mousam , Khaak Urti Hai Aankhon Main
Kab Bhejo Gay Dard Ka Baadal , Kab Barkha Barsaao Gay
Ahed e Wafa Ya Tark e Mohabbat , Jo Chaho So Aap Karo
Apnay Bus Ki Baat Hi Kiya Hai , Hum Say Kiya Manwao Gay
Kis Nay Wasl Ka Sooraj Dekha , Kis Par Hijr Ki Raat Dhali
Gaisou’n Waley Kon The Kiya The , Un Ko Kiya Jatlao Gay
FAIZ Dilon Kay Bhaag Mein Hai , Ghar Bharna Bhi Lut Jana Bhi
Tum Us Husn Kay Lutf o Karam Pe Kitnay Din Itrao Gay…
Ghazal: Kab Tak Dil Ki Khair Manaye
Book: Sar e Wadi e Sina
Poet: Faiz Ahmed Faiz
