Hijar Ka Tara Doob Chala Hai Dhalne Lagi Hai Raat Wasi
Qatra Qatra Bars Rahi Hay Ashko Ki Barsaat Wasi
Teray Baad Yeh Duniya Walay Mujh Ko Pagal Karden Gay
Khushbu Ke Dais Mein Le Chal Mujh Ko Apnay Saath Wasi
Yunhi Chup Ki Mohr Laga Kr Kab Tak Gum Sum Baitho Gay?
Khaamoshi Say Dum Ghut’ta Hay Chhero Koi Baat Wasi
Aaj Tou Uska Chehra Bhi Kuch Badla Badla Lagta Hay
Mousam Badla, Duniya Badli, Badal Gaye Halaat Wasi
Meray Ghar Pe Khushiyon Ka Ye Raqs Ussi Kay Dum Se Hay
Us Kay Saath Chali Jaaye Gi Phoolon Ki Barsaat Wasi
Chor Wasi Ab Us Ki Yaadain Tujh Ko Pagal Kar Den Gi
Tu Katra Hay Wo Darya Daikh Apni Okaat Wasi
Wasi Shah
V nice