Woh Dushman e Jaan

Woh Dushman e Jaan, Jaan Se Piyara Bhi Kabhi Tha
Ab Kis Say Kahen Koi Hamara Bhee Kabhi Tha

Utra Hay Rag o Pai Main Tou Dil Kat Saa Gya Hay
Ye Zehr Judaai Ka Gawaara Bhi Kabhi Thaa

Hr Dost Jahaan Abr e Gurezaan Ki Tarhaan Hay
Ye Shehr Kabhi Shehr Hamara Bhee Kabhi Thaa

Titlee Kay Tuaaqub Main Koi Phul Sa BachCha
Aesa Hi Koi Khwaab Hamara Bhee Kabhi Thaa

Ab Aglay Zamanay Main Milen Logg Tou Puchain
Jo Haal Hamara Hay, Tumhara Bhee Kabhi Thaa

Hr Bazm Main Hum Nay Usay Afsurda Hi Daikha
Kehtay Hain ‘Faraz’ , Anjuman e Ara Bhee Kabhi Thaa

Ahmed Faraz

Related posts:

Silsilay Tor Gaya Woh Sabhi Jate Jate Sab Log Liye Sang e Malamat Nikal Aaye Zakhm Ko Phool To Sar Sar Ko Saba Kehte Hain Wafa Ke Baab Mein Ilzaam E Aashiqi Na Liya