daur e falak jab dohrata he mosam e gul ki raaton ko
kunj e qafas me sun lete hen bholi bisri baton ko
reg e rawan ki naram tahon ko cherti he jab koi hawa
sooney sehra cheekh uthte hen adhi adhi raton ko
aatish e gham ke sel e rawan me neenden jal kar rakh huen
patthar ban kar dekh raha hun aati jati raton ko
bethak ka soona soona maahol to yunhi rehna hai
khushk labon ki khair manao kuch na kaho barsaaton ko
nasir meray mun ki baten yun to suche moti hen
lekin un ki baten sun kar bhool gae sab baton ko
دورِ فلک جب دہراتا ہے موسمِ گل کی راتوں کو
کنجِ قفس میں سن لیتے ہیں بھولی بسری باتوں کو
ریگِ رواں کی نرم تہوں کو چھیڑتی ہے جب کوئی ہوا
سونے صحرا چیخ اٹھتے ہیں آدھی آدھی راتوں کو
آتشِ غم کے سیلِ رواں میں نیندیں جل کر راکھ ہویئں
پتھر بن کر دیکھ رہا ہوں آتی جاتی راتوں کو
مئے خانے کا افسردہ ماحول تو یوں ہی رہنا ہے
خشک لبوں کی خیر منائو کچھ نہ کہو برساتوں کو
ناصِر میرے منہ کی باتیں یوں تو سچے موتی ہیں
لیکن ان کی باتیں سن کر بھول گئے سب باتوں کو۔۔۔
