Himala by Allama Iqbal (The Himalayas)

Himala Poem by Allama Iqbal in Urdu:

 

 

Himala Poem in Urdu Written and Roman

 

aey hamala! aey faseel e keeshwar e hindustan
chumta he tairi peshani ko jhuk kar aasman

tujh main kuch peda naheen derina rozey kay nishan
tu jawan hey gardish e sham o saher kay dermiyan

Ek jalwa tha kaleem e toor e seena ke liye
tu tajalli hey sarapa chashm e beena kay liye

emtihan e didah zahir main kohistan hey tu
pasban apna hey tu, devaar e hindustan hey tu

matla e awwal faluk jiska ho wo diwan hey tu
suay khilvat gah e dil daman kash e ensan hey tu

burf nay baandhi hey dastar e fazeelat tairy sar
khanda zan hey kalah e mehar e aalum taab per

tairi umer e rafta kee aik aan hey ehad e kuhan
wadiyon main hen tairi kali ghataeyn khema zan

choutiyan tairi surayya say hen sargaram e sukhan
tu zameen par or pehna e falak taira watan

chashma e daman taira aaeyna seyyal hey
daman e mouj e hawa jis kay leye rumal hey

abar kay hathon main rahvar e hawa kay wastay
taaziyana day deya barq e sar e kohsar nay

Aey hamala koi baazi gah hey too bhee, jisey
dast e qudrat nay banaya hey anasir kay liye

haye keya firat e tarab main jhumta jata hey ubar
feel e be zanjeer ki soorat ura jata hey abar

junbish e mouj e naseem e subah gehvara bani
jhumti hey nasha e husti main her gul ki kali

yuon zuban e barg say goya hey iss kay khamshee
dast e gulcheen ki jhatuk main nay naheen dekhi kabhee

keh rahee hey mairi khamoshi hi afsana maira
kunj e khalvat khana e kudrat hey kashana maira

aati hey nadi faraz e koh say gati huvi
kousar o tasneem kee moujon ko sharmaati huvi

aaeyna sa shahid e kudrat ko dikhlati hovi
sung e rah say gah bachti gah takrati hovi

cherti ja is iraq e dil nashin kay saaz ko
aey musafir dil samjhta hey tairi awaz ko

leyla e shub kholti hey aa kay jub zulf e rasa
daman e dil khenchti hey aabsharun kee sada

wo khamoshi sham kee jis par takallum ho fida
wo darakhtun par tafakkur ka saman chaya huva

kanpta pherta hey keya rung e shafaq kohsaar par
khushnuma lagta hey ye ghazah taire rukhsar par

aey hamala! dastan us wakat kee koi suna
muskan e aabay insan jub bana daman taira

kuch bata us seedhi sadi zendagi ka maajra
dagh jis per ghaza rung e takalluf ka na tha

han dekha day aey tasawwur pher voh subha o shaam tu
dorh peeche kee taraf aey gardish e ayyaam tu

 

 

[pukhto_lek]

اے ہمالہ! اے فصيلِ کشورِ ہندوستاں
چومتا ہے تيری پيشانی کو جھک کر آسماں
تجھ ميں کچھ پيدا نہيں ديرينہ روزی کے نشاں
تُو جواں ہے گردشِ شام و سحر کے درمياں
ايک جلوہ تھا کليمِ ُطورِ سينا کے ليے
تُو تجلی ہے سراپا چشمِ بينا کے ليے
امتحانِ ديدۂ ظاہر ميں کوہستاں ہے تُو
پاسباں اپنا ہے تُو ، ديوارِ ہندُستاں ہے تُو
مطلعِ اوّل فلک جس کا ہو وہ ديواں ہے تُو
سوئے خلوت گاہِ دل دامن کشِ انساں ہے تُو
برف نے باندھی ہے دستارِ فضيلت تيرے سر
خندہ زن ہے جو کلاہِ مہرِ عالم تاب پر
تيری عمرِ رفتہ کی اک آن ہے عہدِ کُہن
واديوں ميں ہيں تری کالی گھٹائيں خيمہ زن
چوٹياں تيری ثريّا سے ہيں سرگرمِ سخن
تو زميں پر اور پہنائے فلک تيرا وطن
چشمۂ دامن ترا آئینۂ سیّال ہے
دامنِ موجِ ہوا جس کے ليے رومال ہے
ابر کے ہاتھوں ميں رہوار ہوا کے واسطے
تازيانہ دے ديا برقِ سرِ کوہسار نے
اے ہمالہ کوئی بازی گاہ ہے تُو بھی ، جسے
دستِ قدرت نے بناياہے عناصِر کے ليے
ہائے کيا فرط ِ طرب ميں جھومتا جاتا ہے ابر
فيلِ بے زنجير کی صورت اڑا جاتا ہے ابر
جُنبشِ موجِ نسيمِ صبح گہوارہ بنی
جھومتی ہے نشّۂ ہستی ميں ہر گل کی کلی
يوں زبانِ برگ سے گويا ہے اُس کی خامشی
دستِ گل چيں کی جھٹک ميں نے نہيں ديکھی کبھی
کہہ رہی ہے ميری خاموشی ہی افسانہ مرا
کُنجِ خلوت خانۂ قدرت ہے کاشانہ مرا
آتی ہے ندّی فرازِ کوہ سے گاتی ہوئی
کوثر و تسنيم کی موجوں کو شرماتی ہوئی
آئنہ سا شاہدِ قدرت کو دکھلاتی ہوئی
سنگِ رہ سے گاہ بچتی ، گاہ ٹکراتی ہوئی
چھيڑتی جا اس عراقِ دل نشيں کے ساز کو
اے مسافر! دل سمجھتا ہے تری آواز کو
ليلیِ شب کھولتی ہے آ کے جب زلفِ رسا
دامنِ دل کھينچتی ہے آبشاروں کی صدا
وہ خموشی شام کی جس پر تکلّم ہو فِدا
وہ درختوں پر تفکّر کا سماں چھايا ہوا
کانپتا پھرتا ہے کيا رنگِ شفق کُہسار پر
خوشنما لگتا ہے يہ غازہ تِرے رخسار پر
اے ہمالہ! داستاں اُس وقت کی کوئی ُسنا
مسکنِ آبائے انساں جب بنا دامن ترا
کچھ بتا اُس سيدھی سادی زندگی کا ماجرا
داغ جس پر غازۂ رنگِ تکلّف کا نہ تھا
ہاں دکھا دے اے تصّور! پھر وہ صبح و شام تُو
دوڑ پيچھے کی طرف اے گردشِ ايّام تُو

[/pukhto_lek]