Aqal Nay ek Din Ye Dil Say Kaha
Bhulay Bhatky Kee Rehnuma Hoon Men
Hoon Zamin Per, Guzar Faluk Pay Maira
Daikh Tou Kis kadar Rasa Hoon Men
Kam Dunya Main Rehbari Hey Maira
Misal-e-Khezar-e-Khajasta Pa Hoon Mein
Hoon Mufassir-e-Qitab-e-Hasti Kee
Mazhar-e-Shan-e-Qibriya Hoon Men
Boond aik Khoon Kee Hey Tu Laykin
Gherat-e-Laal-e-Be Baha Hoon Men
Dil Nay Sun Ker Kaha Ye Sab Sach Hey
Per Mujhe Bhee To Daikh, Kiya Hoon Men
Raaz-e-Hasti Ko Thi Samajhti Hey
Or Aankhun Say Daikhta Hoon Men!
Hey Tojhe Vasta Mazahir Say
Or Batin Say Aashna Hoon Men
elm Tujh Sey To Maarifat Mujh Say
Tu Khuda Jo, Khuda Numa Hoon Mein
elm Kee entiha Hey Baytaabi
iss Merz Kee Magar Dava Hon Mein
Shama Tu Mahfil-e-Sadakat Kee
Husan Kee Bazam Ka Deya Hoon Men
Tu Zaman-o-Makan Say Reshta Bapa
Taeer-e-Sidra Say Aashna Hoon Men
Kis Bulandi Pay Hey Maqam Maira
Arsh Rabb-e-Jaleel Ka Hoon Men,,,
عقل نے ايک دن يہ دل سے کہا
بھولے بھٹکے کی رہنما ہوں ميں
ہوں زميں پر ، گزر فلک پہ مرا
ديکھ تو کس قدر رسا ہوں ميں
کام دنيا ميں رہبری ہے مرا
مثل خضر خجستہ پا ہوں ميں
ہوں مفسر کتاب ہستی کی
مظہر شان کبريا ہوں ميں
بوند اک خون کی ہے تو ليکن
غيرت لعل بے بہا ہوں ميں
دل نے سن کر کہا يہ سب سچ ہے
پر مجھے بھی تو ديکھ ، کيا ہوں ميں
راز ہستی کو تو سمجھتی ہے
اور آنکھوں سے ديکھتا ہوں ميں
ہے تجھے واسطہ مظاہر سے
اور باطن سے آشنا ہوں ميں
علم تجھ سے تو معرفت مجھ سے
تو خدا جو ، خدا نما ہوں ميں
علم کي انتہا ہے بے تابی
اس مرض کی مگر دوا ہوں ميں
شمع تو محفل صداقت کی
حسن کی بزم کا ديا ہوں ميں
تو زمان و مکاں سے رشتہ بپا
طائر سدرہ آشنا ہوں ميں
کس بلندی پہ ہے مقام مرا
عرش رب جليل کا ہوں ميں
