Tujhsay bechar ker kiya hun men, ub bahar aker daikh,
Himmat hey to mairi halat, ankh mela ker daikh,
Sham hey gehri, taiz hava hey, sar pey khari hey rat,
Rasta gaye musafir ka ub deya jala ker daikh,
Darvaze ka pas aa aa ker wapis murrti chaap,
Koun hey is sunsan gali men, pas bula ker daikh,
Shayad koi daikhny wala ho jaye kheraan,
Kamray kee divaron per koi naqsh bana ker daikh,
Tu bhee Muneer ub bharay jahan men mil ker raihna seekh,
Bahar say to daikh leya, ub ander ja ker daikh..
