Dasht e Tanhai, one of the most mesmerizing poetry by legend Faiz Ahmed Faiz. This is one that ghazal which was sung by many different vocalists including Iqbal Bano, Tina Sani, Abida Parveen and Ali Sethi. PoemsUrdu.com brought the Urdu lyrics of the ghazal as presented here for the readers. Let’s read.
Dasht e Tanhai Poetry and Lyrics
dasht-e-tanhai mein ae jaan-e-jahaan larzaan han
teri awaaz kay saaye,
teray hontoon kay saraab,
dasht-e-tanhaai mein,
duuri ke khas-o-khaak talay
khil rahay hain tere pehluu ke saman aur gulaab
dasht-e-tanhaai mein ae jaan-e-jahaan larzaan han
dasht-e-tanhaai mein,
utth rahi hai kahiin qurbat say
teri saans ki aanch
apani khushboo mein sulagti hui
maddham maddham
duur ufaq par chamakti hui
qatra qatra
gir rahi hai teri dildaar nazar ki shabnam
is qadar pyaar say hai jaan-e jahaan rakkhaa hai
dil kay rukhsaar pay
is waqt teri yaad nay haath
yuun gumaan hota hy
garchay hai abhi subah-e-firaaq
dhal gaya hijr ka din
aa bhi gai vasl ki raat
dasht-e-tanhai mein ae jaan-e-jahaan larzaan han
teri awaaz kay saaye,
teray hontoon kay saraab,
Faiz Ahmed Faiz
