Soz e Dil Chahiye , Chashm e Tar Chahiye
Or Shoq e Talab Moatabar Chahye
Ho Muyassar Madine Ki Galiyan Agar
Aankh Kafi Nahi Hai Nazar Chahye
Download Soz e Dil Naat Here
(Right Click and Choose Save Link As)
Naat Lyrics in Roman Urdu
Soz e Dil Chahiye Chashm e Nam Chahiye, Or Shoq e Talab Moatbar Chahiye
Ho Muyassar Madine Ki Galiyan Agar, Aankh Kafi Nahi Hai Nazar Chahiye
Un Ki Mehfil Ke Adaab Kuch Or Hain, Lab Kushai Ki Jurrat Munasib Nahi
Un Ki Sarkar Mein Iltaja Ke Liye, Janbish e Lab Nahi Chashm e Tar Chahiye
Apni Roodad e Gham Main Sunaon Kise, Mere Dukh Ko Koi Or Samjhe Ga Kya
Jis Ki Khaak e Qadam Bhi Hai Khaak e Shifa, Mere Zakhmon Ko Wo Chara Gar Chahiye
Mai Gadaye Dar e Shah e Konain Hoon, Sheesh Mehlon Ki Mujh Ko Tamanna Nahi
Ho Muyassar Zameen Par Keh Zer e Zameen, Mujh Ko Taiba Mein Ek Apna Ghar Chahiye
In Naye Raston Ki Nayi Roshni, Hum Ko Raas Ayi Hai Or Na Raas Aye Gi
Hum Ko Khoi Hui Roshni Chahiye, Hum Ko Aaen e Khirul Bashar Chahiye
Midhat e Shah Kon o Makaan Ke Liye, Sirf Lafz o Bayaan Ka Sahara Na Lo
Fun e Shayari Hai Iqbal Apni Jagah, Naat Kehne Ko Khoon e JIgar Chahiye
Soz e Dil Chahiye Chashm e Nam Chahiye, Or Shoq e Talab Moatbar Chahiye
Ho Muyassar Madine Ki Galiyan Agar, Aankh Kafi Nahi Hai Nazar Chahiye
More naats at: www.poemsurdu.com/naats
heart attraction pages
