Ab ke tajdeed e wafa ka nahi imkaan jana
Yad kia tujh ko dilaen tera pemaan janan
Yun hi mausam ki ada dekh ke yad aya he
kis qadar jald badal jate hen insan janan
Zindagi teri ata thi so tere naam ki he
Hum ne jese bhi basar ki tera ahsaan janan
Dil ye kehta he ke shaed ho afsurda tu bhi
Dil ki kia bat kren dil to he nadaan janan
Awwal awwal ki mohabbat ke nashey yad to kr
Be piye bhi tera chehra tha gulistan janan
Akhir akhir to ye alam he ke ab hosh nahin
Rag e meena sulag uthi ke rag e jan janan
Muddaton se yehi alam na tawaqu na umeed
Dil pukare hi chala jata he janan janan
Hum bhi kia sada they hum ne bhi samjh rkha tha
Gham e doran se juda he gham e janan janan
Ab ke kuch aesi saji mehfil e yaran janan
Sar ba zanu he koi sar ba gireban janan
Her koi apni hi awaz se kanp uthta he
Her koi apne hi saye se hirasan janan
Jis ko dekho wohi zanjeer bpa lgta he
Sheher ka sheher hua dakhil e zandaan janan
Ab tera zikar bhi shaed hi ghazal me aye
Aur se aur hue dard ke unwan janan
Hum ke ruthi hui rut ko bhi mana lete they
Hum ne dekha hi na tha mausam e hijran janan
Hosh aya to sabhi khawab they reza reza
Jese urte hue oraq e preshan janan!
Ghazal/Lyrics Title: Ab Ke Tajdeed e Wafa Ka Nahi Imkaan Jana
Poet: Ahmed Faraz
Poets r true embassadors of love and peace so is faraz. I love his poetry. He was a true genius. He loved his nation
You are right hakro sahab! We miss those poets.
people now make fun of his poetry which is so bad!! as if we are discrediting him for all his efforts!! A heart touching poet with so many hit ghazals and songs to his name!!