Har koi jati hui rut ka ishara jane
“Gul na jane bhi to kia bagh to sara jane”
Kis ko batlaen ke ashob e mohabbat kia he
Jis pe guzri ho wohi hal hamara jane
Jan nikli kisi bismal ki na suraj nikla
Bujh gaya kiun shab e hijran ka sitara jane
Jo bhi milta he hamin se wo gila karta he’
Koi to surat e halaat khudara jane
Dost ahbab to reh reh ke galey milte hen
Kis ne khanjar mere seeney me utara jane
Tujh se barh kar koi nadaan nahi ho ga faraz
Dushman e jan ko bhi tu jan se piyara jane
