Kasheda ser say tavaqqo’ abbas jhukao kee thi
Bigar gaya hun Kay soorat yahee banao kee thi
Woh jis ghamand say bichhra gila to is ka hey
K sari baat mohabbat main rakh rakhao kee thi
Woh mujh se piyar na kerta to vaar kiya kerta
K dushmani men bhee shiddat usi lagao kee thi
Mager yeh dard e talub bhee saraab hee nikla
Wafa ki lehar bhee jazbat ke bahao kee thi
Akaile paar uter kay yeh nakhuda ney kaha
Musafiron yahee Qismat shikasta naao kee thi
Chiragh e jan ko kahan tuk bacha kay ham rakhte
Hawa bhee taiz thee, manzil bhee chal chalao kee thi
Men zindagi say naburd aazma raha hun ‘Faraz’
Men janta tha, yehi raah Aik bachao kee thi
