Khawab marte nahi!
Khawab dil hen na ankhen na sansen ke jo
Reza reza huey to bikhar jaen ge
Jism ki maut se ye bhi mar jaen ge
Khawab marte nahi!
Khawab to roshni hen, nawa hen,hawa hen
Jo kaley paharon se rukte nahin
Zulm ke dozakhon se bhi phukte nahin
Roshni or nawa or hawa ke alam
Maqtalon me pohnch kar bhi jhukte nahin
Khawab to harf hen
Khawab to noor hen
Khawab suqrat hen
Khawab mansoor hen !
jism marte hain, khawab marte nahi
aap kyun mera yakin karte nahi
maa ki aankhon me beti ki shadi ka khawab
beta bada aadmi bane, ye pita ka khawab
pote-potion ko khilana dada ka khawab
pote ki shadi dekhoon, hota hai ye dadi ka khawab
aarzoo marti nahi, khawab marte nahi
aap kyun mera yakin karte nahi
hote hai dadi-nani ki kahaniyo me khawab
bahut lazmi hai zindagi me khawab
chupe hote hain har iafj har man me khawab
ye khawab apne dilon, apni sanson ki tarha
reza-reza hokar bikharte nahi
aap kyun mera yakin karte nahi
khwaab, rosini or hawa ki tarha hote hain
khawab, azad mizaz khushbuon ke jhonke hain
manind-e-waqat ye bhi kahin taharte nahin
aap kyun mera yakin karte nahi
khawab prerna hain, khawab satrot hain
har hakikat, hakikat se pahle
samjho ek khawab hi hota hai
socho! Chand par jane ka agar
hamare zahan me koi khawab nahi hota
To ham kabhi chand par utarte nahi
aap kyun mera yakin karte nahi