Thi meray jam me durd e mae tanhai boht
Kal kisi yar e qadah raiz ki yad ay boht
Na koi munas e dil tha na koi dushman e jan
Pehle pehle to tabiat meri ghabrai boht
Keets ki qabar pe pohncha to bhar aen aankhen
Us jawan marg se jese thi shanasai boht
Nasha utra to badan yun tha shikasta jese
Bada pemai thi kam badia pemai boht
Ab to rashk ata he yaron ki jawan margi pe
Zindagi main bhi kabhi tha tera shedai boht
Room ka husn boht daman e dil khenchta he
Ae meri khak e peshawar teri yad ay boht
Awwal e ishq ki bat or thi jo bhi hota
Ab to milye ke na milne me he’ruswai boht
Ab faraz apne maseha se bhi na umeed rakh
Wo tang dil he teray zakham me he gehrai boht
