Ye jo nashey hen safar ke na utar jaen kahin
Koi manzil na sahi samne per jaen kahin
Us ki mehfil na sahi hijr ka sehra he sahi
Khawab o khushbu ki tarha aao bikhar jaen kahin
Tujh ko ye dukh ke meri chara gari kese ho
Mujh ko ye gham he meray zakham na bhar jaen kahin
Is khala me to zameen toot ke yad ati he
Koi qulzam ho ke daldal ho utar jaen kahin
Ghar se nikley thay ke dunya ne pukara tha Faraz
Ab jo fursat miley dunya se to ghar jaen kahin!!
very beautiful poetry