Yun to pehle bhi huey us se kai bar juda
Lekin ab ke nazar atey hen kuch asaar juda
Gar gham e sood o ziyan he to theher ja ae jaan
Ke isi mor pe yaron se huey yar juda
Do ghari us se raho door to yun lagta he
Jis tarha saya e diwaar se diwaar juda
Ye judai ki ghari he k Jhari sawan ki
Main juda gria kunan,abar juda yar juda
Kajkalahon se kahe kon ke ae be khabro
Toq e gardan se nahin tarra e dastar juda
Is qadar roop hen yaron ke keh khof ata he
Sar e raah juda or sar e darbar juda
Koey janan me bhi khasa tha tarhadar Faraz
Lekin us shakhs ki saj dhaj thi sar e dar juda
