dast e shab per dikhai kia den ge
silwaten roshni me ubhren ge
ghar ki dewaren meray jane per
apni tanhaion ko sochen ge
unglion ko tarash dun, phir bhi
aadatan us ka nam likhen ge
rang o bu se kahin panah nahin
khawahishen bhi kahan amaan den ge
ak khushbu se bach bhi jaun agar
dusri nikhaten jakar len ge
khawab me titlian pakarne ko
neenden bachon ki tarha doren ge
khirkion per dabeez perde hon
barishen phir bhi dastak den ge