Koi Tasvir Mukamal Nahi Honay Pai
Ab jo dekhai to koi aisi bari baat na thi
Ye shab o roz mah o saal ka pur paich safar
Qadrai aasan bhi ho sakta tha!
Ye jo harm or pe kuch uljhe hue raaste hai
Un me tarteeb ka imkaan bhi ho sakta tha!
Ham zara dheaan se chalet to wo ghar
Jis k baam o dar o dewar pe weerani he!
Jis ki har subah me shamo ki pareshni he!
Is me ham chain se abad bhi ho sakte the
Bakht se amn ki raahai bhi nikal sakti thi
Waqt se sulah ka peman bhi ho sakta tha
Ab jo dekhai to bht saaf nazar aate hai
Sare manzar bhi, pas manzar bhi
Laikinn is der khiali ka sila kia ho ga?
Ye to sab baad ki baatai hai meri jaan, inhai
Dekhte, sochte rehne se bhala kia hoga?
Wo jo hona tha hua … ho bhi chukka
Waqt ki loh pe kihi hui tehrir ke harf
Khat e tanseekh se waqif hi nahi
Bakht, maktab ke register ki tarah hota he
Apne number pe jo ‘labaiak’ nahi kh pate
Un ka kuch uzr nahi … koi bhi fariad nahi
Ye wo taair hai jinhai no yaad nahi
Linai kat’ti rahi lafz badalne k sabab
Koi tehrir, musalsal nahi hone paai
Haasil umr … yehi chand adhoore khake!
Koi tasweer, mukammal nahi hone paai
اب جو دیکھیں تو کوئ ایسی بڑی بات نہ تھی
یہ شب و روز مہ و سال کا پر پیچ سفر
قدرے آسان بھی ہو سکتا تھا!
یہ جو ہر موڑ پر کچھ الجھے ہوۓ رستے ہیں
ان میں ترتیب کا امکان بھی ہو سکتا تھا!
ہم ذرا دھیان سے چلتے تو وہ گھر
جس کے بام و در و دیوار پہ ویرانی ہے!
جس کی ہر صبح میں شاموں کی پریشانی ہے!
اس میں ہم چین سے آباد بھی ہو سکتے تھے
بخت سے امن کی راہیں بھی نکل سکتی تھیں
وقت سے صلح کا پیمان بھی ہو سکتا تھا
اب جو دیکھیں تو بہت صاف نظر آتے ہیں
سارے منظر بھی، پس منظر بھی
لیکن اس دیر خیالی کا صلہ کیا ہو گا؟
یہ تو سب بعد کی باتیں ہیں مری جان، انہیں
دیکھتے، سوچتے رہنے سے بھلا کیا ہو گا؟
یہ جو ہونا تھا ہوا۔۔۔ ہو بھی چکا
وقت کی لوح بہ لکھی ہوئ تحریر کے حرف
خط تنسیخ سے واقف ہی نہیں
بخت، مکتب کے رجسٹر کی طرح ہوتا ہے
اپنے نمبر پہ جو ‘لبیک’ نہیں کہ پاتے
ان کا کچھ عذر نہیں۔۔۔ کوئ بھی فریاد نہیں
یہ وہ طائر ہیں جنہیں اپنی نو یاد نہیں
لائنیں کٹتی رہیں لفظ بدلنے کے سبب
کوئ تحریر، مسلسل نہیں ہونے پائ
حاصل عمر ۔۔۔ یہی چند ادھورے خاکے!
کوئ تصویر ، مکمل نہیں ہونے پائ
