New Year Nazam in Urdu (Naye Saal Ki Pehli Nazam by Amjad Islam Amjad)
New Year Poetry in Urdu
[pukhto_lek]
نئے سال کی پہلی نظم
چلو آج کچھ حسابِ زیانِ جاں کریں
الم شمار کریں درد آشکار کریں
گلے جو دل کی تہوں میں ہیں آبلوں کی طرح
انہیں بھی آج شناسائے نوکِ خار کریں
جو بے وفا ہو اسے بے وفا کہیں کھل کر
حدیث چشم و لب سوختہ کہیں کھل کر
کہاں تلک یہ تکلم زمانہ سازی کے
پس کلام ہے جو کچھ ذرا کہیں کھل کر
خنک خنک سی ہنسی ، ہنس کے مل رہے ہو کیوں
لہو ہے سرد تو آنکھیں بھی منجمد کر لو
جو دل میں دفن ہے چہروں پہ اشتہار کریں
الم شمار کریں درد آشکار کریں
تمہارا میرا تعلق بس ایک لفظ کا ہے
لغت کے انت میں سمٹا ہوا فقط ایک لفظ
اس ایک لفظ میں سچائی ہے زمانوں کی
چلو کہ آج یہی لفظ اختیار کریں
تمام عمر پڑی ہے منافقت کے لیے
اس ایک لفظ کا دامن نہ داغدار کریں
الم شمار کریں درد آشکار کریں
چلو آج کچھ حسابِ زیانِ جاں کریں
Naye Saal Ki Pehli Nazam (written in Roman Urdu)
chalo aj kuch hisab e ziyan e jan kren
alam shumar kren dard aashkar kren
gilay jo dil ki tahon me hen aablon ki tarha
unhen bhe aaj shanasae nok e khar kren
jo be wafa ho usey be wafa kahen khul kar
hadees chashm o lab sokhta kahen khul kar
kahan talak ye takallum zamana sazi ke
pas kalam he jo kuch zara kahen khul kar
khunk khunk si hansi, hans ke mil rahe ho kiun
lahu he sard to aankhen bhe munjamid kar lo
jo dil me dafan he chehron pe ishtehar kren
alam shumar kren dard aashkar kren
tumhara mera taaluq bas ak lafz ka he
lughat ke anat me simta hua bas ak lafz
is ak lafz me sachai he zamano ki
chalo ke aaj yehi lafz akhtiar kren
tamam umar pari he munafqat ke liye
is ak lafz ka daman na daghdar kren
alam shumar kren dard aashkar kren
chalo aj kuch hisab e ziyan e jan kren
