Nazar Bujhi To Karishmay Bhi Roz o Shab Kay Gaye
Ke Ab Talak Nahin Aaye Hain Logg Jab Kay Gaye
Sunay Ga Konn Teri Be Wafaiyon Ka Gila
Yehi Hay Rasm e Zamana To Hum Bhi Ab Kay Gaye
Magar Kisi Nay Humain Hum Safar Nahin Jana
Yeh Or Baat Hay Kay Hum Sath Sath Sub Kay Gaye
Ab Aaye Ho To Yahan Kiya Hay Dekhnay Kay Liye
Ye Sheher Kab Say Hay Veeran, Vo Logg Kab Kay Gaye
Girifta Dil Thay Magar Hosla Nahin Haara Tha
Girifta Dil Hen Magar Hoslay Bhi Ab Kay Gaye
Tum Apni Shamma e Tamanna Ko Ro Rahay Ho Faraz
In Aandhion May To Piyaray Charaag Sub Kay Gaye..!
More in Urdu Ghazals