December Yaad Aata Hai…
Hava Ka Sard Jhounka Jab
Mujhey Chho Ke Guzarta Hai
Meri Sochon Ke Darpan Mei
December Ki Chatakhti Dhoup
Ik Chahra Banaati Hai…
Thhitartey Sard Mosam Mei
Sabaa Jab Gungunaati Hai
Hava Seeti Bajaati Hai
Tou Youn Lagta Hai
College Ki Canteen Mei Baithee
Wo Phir Sey Muskuraati Ho
Meri Coffee Ki Piyaali Se
Dhuwain Key Garm Baadal Ney
Koi Suurat Banali Ho…
Koi Khushboo Ki Suurat Baat
Nihaan Thi Jo Merey Dill Mei
Meri Aankhon Sey Parrh Kar
Wo Zaraa Saa Muskuraai Ho
Bus Ik Wo Khwaab Sa Lamhaa
December Ki Khunuk Raato Mei
Aksar Yaad Aata Hai
Nahin Bhoola Jisey Ab Tak
Wo Manzarr Yaad Aata Hai…
December Yaad Aata Hai…
Further Reading:
